ഒരു പൂവിന്റെ പ്രണയം

 

ഒരു പൂവിന്റെ പ്രണയം 

മനസ്സിനുള്ളിൽ 

ആകർഷകമായ സുഗന്ധമുള്ള 

മനോഹരമായ വർണത്തിലുള്ള 

നിറയെ ചെടികളും പൂക്കളും 

കാലവും 

അതിന്റെ ഋതു ഭേദങ്ങൾക്കനുസരിച്ചു 

വിവിധ വർണ്ണത്തിലുള്ള 

പൂക്കളെ വിരിയിക്കുന്നു.  

വയലറ്റ് ഓർക്കിഡുകൾ ചിരിക്കുമ്പോൾ 

മനസ്സിനുള്ളിലെ പൂക്കൾ 

വയലറ്റ് പൂക്കളുമായി 

സല്ലപിക്കുക്കയാണ് 

പൂക്കളോടും ചെടികളോടും  ഒരു പാട് നേരം 

സല്ലപിച്ചു കൊണ്ടിരിക്കാനും  

അവയെ  തലോടുന്ന മന്ദമാരുതനോടൊത്ത്  

അൽപ നേരം സഞ്ചരിക്കാനും   

ഒരു പാട് ആഗ്രഹം ഉണ്ട് 

ഉടലുകൾ 

അതിനെ തടയുന്നു 

മനസ്സിലെ ആ വെളുത്ത പൂവ്  

ചുവന്ന  പനനീർ  പൂവുമായി 

പ്രണയത്തിലായി

 

പ്രണയം 

അകലെ നിന്നു മാത്രം 

ഒന്ന് തലോടാൻ  

ഉടലുകൾ  അനുവദിക്കുന്നില്ല  

കാലം മാറുമ്പോഴേക്കും 

പനനീർ പൂവ് വാടാൻ തുടങ്ങി  

ആ വെളുത്ത പൂവ് കാത്തിരിക്കുകയാണ്  

ആ ചുവന്ന പനനീർ പൂവിനെ 

വീണ്ടും ഒരു വസത്തിനായി 

ഇനിയും വസന്തം വരുമോ എന്നറിയാതെ 

മനസ്സിനുള്ളിലെ സൗരഭ്യത്തിന്റെ പൂക്കൾ 

പരിമളം പരത്തുന്നു 

സൗന്ദര്യത്തെ പൊതിഞ്ഞ 

ആ ചുവന്ന പൂവിനെ വീണ്ടും 

കാത്തിരിക്കുകയാണ്  

ആ വെളുത്ത പൂവ്